Sottoripa Genova

Luigi Cornetto ha dedicato una poesia in genovese all'antichissima zona di Sottoripa.

Sottorïa comme 'n'artëia ti scöri in to centro da çittae e comme 'n'artëia t'ë importante. No t'ë s'intende 'na stradda scignorile i teu ödoi san de frïtûa de sûo de fadiga. Ma t'ë importante, Sottorïa, interessante e anche bella.

Chi veu vedde a vitta da çittae o deve gïâ tutti i teu vòrti fermâse pe ammiâ chi passa: o neigro o portuale a legera a scignorinn-a ch'a va de sprescia oppûre 'na pövea donna ch'a no conosce ätro amô che ti e i caroggi vixin.

E veuggio dïte ancon, Sottorïa, che t'ë 'n to mae cheu perchè t'ë a fetta ciû dôçe da mae çittae.